तात्पर्यलिङ्गयुक्तत्वाद्भेदपरत्वं वोताद्वैतपरत्वं वेति विमर्शः
§76Mūla
न चात्र भेदः श्रुतितात्पर्यगोचरः । श्रुतीनां 'नेह नानास्ति' इति निषेधाय प्रत्यक्षप्राप्तभेदानुवादकत्वादिति चेन्न । 'नेह नानाऽस्ति' इत्यादि वाक्यानि, 'विमता आत्मानः परमात्मनः परमार्थतो न भिद्यन्ते आत्मत्वात् परमात्मवत्' इत्यनुमानप्राप्तमभेदं 'द्वा सुपर्णा' इति निषेधायानुवदन्तीति वैपरीत्यप्रसङ्गात् । भेदस्य तादात्म्यनिषेधात्मकतया भेदप्रतिपादकानां तादात्म्यनिषेधरूपत्वात् ।