ननु श्रुतिपुराणादिष्वाकाशस्य शब्दगुणकत्वं प्रसिद्धमिति तद्विरोधोऽशब्दगुणकत्वसाधकानुमानस्येत्याशङ्क्य तुल्यमित्याह ।। अथेति ।। अरूपित्वमिति । यल्लोहितं तेजसो यच्छुक्कं तदपां यत्कृष्णं तदन्नस्येति रूपस्य पृथिव्यादित्रितयगतत्वस्यैवोक्तेरिति भावः । एवमुपपादितं प्रत्यक्षविरोध- मुपसंहरति ॥ तस्मादिति । प्रत्यक्षस्यानुमानबाध्यत्वासम्भवादित्यर्थः । अत्राप्यंशित्वानुमानेऽपीत्यर्थः । सा कालातीतेत्यर्थः । तेनायं पटात्यन्ताभाव एतत्तन्तुनिष्ठ एतत्पटानाद्यभावत्वात् । एतत्पटप्रागभाववदित्यादीनि नवीनानु- मानानि प्रत्याख्यातानि बोध्यानि । प्रत्यक्षबाधादिदोषस्य सर्वत्र प्रसरादिति ॥